Ата-аналар жиналысы

  Ақсу ауданы, Сағакүрес негізгі орта мектебінде 2020 жылдың 02 сәуір күні МАД тобы, 1-9 сыныптарында ата-аналар жиналысы өткізілді. Мектептегі барлық ата-ана саны-61, жиналысқа қатысқаны- 57, жиналысқа қатыспағаны-4, олар смартфоны болмағандықтан қашықтықтан өткен жиналысқа қатыса алмады. Күн тәртібінде: 1. «Біздің мектепте қашықтықтан оқыту қалай ұйымдастырылады?». 2. «COVID-19» вирусының таралуынан сақтану шаралары» тақырыбындағы мәселелер қаралды. Бірінші мәселе бойынша мектеп директоры М.Ы. Ғазизова пандемияның таралуының алдын алу мақсатында орта білім беру ұйымдарында білім беру процесін ұйымдастыру бойынша барлық сыныптарда бірыңғай ата-аналар жиналысы қашықтықтан өтетіндігін айтты. Сынып жетекшілер ата-аналарды жиналыстың тақырыбымен, мақсатымен, міндеттерімен таныстырып, жоғарыдағы тақырыптар төңірегінде түсінік беріп өтті.Күн тәртібіндегі мәселеден соң ата-аналар жарыссөзге шығып, өз ойларын ортаға салды. Жиналыстың соңында сынып жетекшілер интернет желісі арқылы жүйелі түрде қашықтықтан байланысты қолдануға барлық ата-аналарды атсалысуға шақырды.