Қамқоршылық кеңес есебі

2018 жылдың 1 жарты жылдығында  қамқоршылық кеңестің бірінші отырысы өткізіліп, 9 адамнан тұратын құрамы сайланды. Отырыста қамқоршылық кеңестің ережесімен, мақсат, міндеттері, құқықтары, іс-қағаздары, қағидаларымен таныстырылды.

Қамқоршылық кеңестің міндеттерін айқындай отырып, мектеп жұмысының айқындығын арттыруға және жетілдіруге бағытталған бастамалар ұсыну және оны талқылау, мектептің материалдық- техникалық базасы мен оқу базасын нығайту және жетілдіру, оның аумағы мен кабинеттерін көркейту,

білім беру үдерісін іске асыру жағдайын жақсартуға, оқушылардың өмірі мен денсаулығын сақтауға жәрдем көрсету, мектептің  жұртшылықпен тиімді қарым –қатынасы үшін жағдай жасау, мектептің   білім берушілік, қаржылық, кадрлық әлеуетін күшейту,қаржыландырудың қосымша көздерін мектепке тартуға жәрдем беру, оқушылардың заңды құқықтары мен мүдделерін қорғау екендігі жөнінде түсіндірілді.

        02 қараша күнгі өткізілген отырыста оқу-тәрбие ісінің орынбасары Б.Е.Бимуханбетова 1 тоқсандағы оқу-тәрбие жұмысы бойынша  атқарылған жұмыстарға, жалпыға бірдей білім беру талаптарының орындалуы туралы есебін берді. Қамқоршылық кеңес мүшелерінің ұйымдастыруымен аз қамтылған, жартылай жетім 3 балаға 2017-2018 оқу жылында қала сыртындағы жазғы тынығу лагеріне 85 000 теңгеге демеушілік, қайырымдылық көмек көрсетілді. Сонымен қатар кеңес мүшелері 50 000 теңгеге мектепке концелярлық тауарлар (файл, регистр, А4 қағаз, түрлі-түсті принтерға бояу) алуға, оқушыларды тарихи жерлерге апаруға  көмек берді. Мектепішілік Тәуелсіздік  күні, жаңа жыл мерекесінің жоғары даңгейде өтілуіне атсалысты. 2019 жылдың 3 тоқсанында Сағабүйен ауылында туып, өскен Сылдырбаев Серікбектің тарапынан 5 балаға 40 000 теңге көлемінде костюм - пиджак берілді.